Сайтты пайдалану шарттары

1. Жалпы ережелер

1.1. Осы Сайтты пайдалану шарттары (бұдан әрі — Шарттар) «КЕМЕ Компаниясы» жауапкершілігі шектеулі серіктестігі (бұдан әрі — Компания) мен keme.kz сайтын пайдаланатын кез келген тұлға арасындағы қатынастарды реттейді (бұдан әрі тиісінше — Пайдаланушы, Сайт).

1.2. Компания туралы мәліметтер: «КЕМЕ Компаниясы» ЖШС, БСН 160740001014, 010000, Қазақстан Республикасы, Астана қаласы, Алматы ауданы, Р. Қошқарбаев даңғылы, 1/5 ғимарат, Geneva блогы, Downtown БО, 4-қабат, 403-кеңсе, телефон +7 (7172) 72-54-68, электрондық пошта мекенжайы info@keme.kz.

1.3. Шарттар Қазақстан Республикасының заңнамасына, оның ішінде Қазақстан Республикасының Азаматтық кодексіне, «Ақпараттандыру туралы», «Авторлық құқық және сабақтас құқықтар туралы» және «Дербес деректер және оларды қорғау туралы» Қазақстан Республикасының заңдарына сәйкес әзірленген.

2. Шарттарды қабылдау

2.1. Сайтты пайдалануды бастау осы Шарттарды толық және сөзсіз қабылдауды білдіреді.

2.2. Егер Пайдаланушы Шарттардың қандай да бір ережесімен келіспесе, оған Сайтты пайдалануды тоқтату қажет.

2.3. Компания Шарттарды өзгертуге құқылы. Өзгерістер жаңа редакция Сайтта орналастырылған сәттен бастап күшіне енеді. Одан кейін Сайтты пайдалануды жалғастыру өзгерістермен келісуді білдіреді.

3. Сайттың мақсаты және орналастырылған ақпараттың мәртебесі

3.1. Сайт ақпараттық сипатта болады және Компанияны, оның қызметтерін, тасымалдау географиясын және байланыс мәліметтерін таныстыруға арналған.

3.2. Сайтта орналастырылған мәліметтер, оның ішінде қызметтердің сипаттамалары, жылжымалы құрамның сипаттамалары және жеткізу мерзімдері, егер тікелей өзгеше көрсетілмесе, анықтамалық сипатта болады.

3.3. Сайтта орналастырылған «Жария оферта» құжатын қоспағанда, Сайттағы ақпарат Қазақстан Республикасы Азаматтық кодексінің 395-бабының 5-тармағы мағынасында жария оферта болып табылмайды және оферта жасауға шақыру ретінде қаралады.

3.4. Көлік-экспедиторлық қызметтердің құны мен көрсету мерзімдері әрбір өтінім бойынша жеке айқындалады және Компания жазбаша түрде растайды.

3.5. Компания кез келген сәтте Сайттың мазмұнын өзгертуге, бөлімдерді қосуға және жоюға, оның жұмысын алдын ала хабарламай тоқтата тұруға немесе тоқтатуға құқылы.

4. Сайт мазмұнына құқықтар

4.1. Сайт тұтастай алғанда, сондай-ақ оның жекелеген элементтері — мәтіндер, фотосуреттер, графикалық бейнелер, карталар, бағдарламалық код, құрылымы мен дизайны — зияткерлік меншік объектілері болып табылады және Қазақстан Республикасының заңнамасымен қорғалады.

4.2. KEME, KEME Logistics, KEME GO белгілері және Компанияның логотипі Компанияны дараландыру құралдары болып табылады. Оларды Компанияның жазбаша рұқсатынсыз пайдалануға жол берілмейді.

4.3. Сайттың жекелеген материалдарын ақпараттық және коммерциялық емес мақсаттарда, дереккөзді көрсету және Сайттың тиісті бетіне белсенді гиперсілтеме орналастыру шартымен жаңғыртуға рұқсат етіледі.

4.4. Компанияның жазбаша келісімінсіз мыналарға жол берілмейді:

• Сайтты немесе оның елеулі бөлігін көшіру, оның ішінде ұқсас ресурс жасау мақсатында;
• Сайт материалдарын жарнамалық және өзге де коммерциялық мақсаттарда пайдалану;
• Сайт материалдарын өзгерту және туынды материалдар жасау;
• құқық иеленуші туралы нұсқауларды жою немесе өзгерту.

4.5. Қызметкерлер мен өндірістік объектілердің фотосуреттері Сайтта бейнеленген тұлғалардың келісімімен орналастырылған және үшінші тұлғалардың пайдалануына жатпайды.

5. Сайтты пайдалану ережелері

5.1. Пайдаланушы Сайтты адал пайдалануға және Қазақстан Республикасының заңнамасын немесе үшінші тұлғалардың құқықтарын бұзатын әрекеттер жасамауға міндеттенеді.

5.2. Мыналарға тыйым салынады:

• Сайтқа, оның әкімшілік бөлімдеріне, серверлері мен дерекқорларына рұқсатсыз қол жеткізуге әрекет жасау;
• Сайт инфрақұрылымына шамадан тыс жүктеме тудыратын әрекеттер жасау, оның ішінде Компания рұқсат етпеген автоматтандырылған жаппай деректер жинау;
• кері байланыс нысандарын Компания қызметіне қатысы жоқ жарнамалық, зиянды және өзге де хабарламаларды тарату үшін пайдалану;
• нысандарда көрінеу дұрыс емес мәліметтерді не үшінші тұлғалардың деректерін олардың келісімінсіз көрсету;
• Сайт арқылы зиянды код қамтылған материалдарды орналастыру немесе беру.

5.3. Компания осы Шарттарды бұзатын тұлғалардың Сайтқа қол жеткізуін шектеуге, оның ішінде техникалық құралдармен шектеуге құқылы.

6. Кері байланыс нысандары арқылы жүгіну

6.1. Сайттағы нысан арқылы жүгіну жібере отырып, Пайдаланушы өзі көрсеткен мәліметтердің дұрыстығын және оларды беруге өкілеттігінің бар екенін растайды.

6.2. Кері байланыс нысандары арқылы алынған дербес деректерді өңдеу Сайтта орналастырылған Құпиялылық саясатына сәйкес жүзеге асырылады.

6.3. Жүгіну жіберу Компанияда шарт жасасу міндетінің туындауына әкеп соқпайды. Шарттық қатынастар талаптар келісілгеннен және тиісті шартқа қол қойылғаннан кейін не жария оферта онда көзделген тәртіппен акцептелгеннен кейін туындайды.

6.4. Компания жүгінулерге жұмыс күні ішінде жауап беруге ұмтылады, алайда жауаптың нақты мерзіміне кепілдік берілмейді.

7. Жүктеуге қолжетімді құжаттар

7.1. Сайтта орналастырылған үлгілік шарт нысандары алдын ала танысу үшін ұсынылады.

7.2. Үлгілік нысанды жүктеу шарт жасасу болып табылмайды және тараптардың ешқайсысы үшін міндеттеме тудырмайды.

7.3. Компания үлгілік нысандарды өзгертуге құқылы. Нақты шарт жасасу кезінде тараптар келіскен редакция қолданылады.

8. Бөгде ресурстарға сілтемелер

8.1. Сайтта үшінші тұлғалардың ресурстарына, оның ішінде App Store, Google Play және Компанияның LinkedIn бетіне сілтемелер бар.

8.2. Компания бөгде ресурстардың мазмұнын бақыламайды және олардың қолжетімділігі, мазмұны, сондай-ақ иелерінің дербес деректерді өңдеуі үшін жауап бермейді.

8.3. Сыртқы сілтеме бойынша өту Пайдаланушының тиісті ресурс иесімен қатынастарына сол ресурстың ережелері қолданылатынын білдіреді.

9. Кепілдіктерден бас тарту және жауапкершілікті шектеу

9.1. Сайт «қалай бар, солай» талаптарында ұсынылады. Компания Сайттың үздіксіз және қатесіз жұмысына, оның кез келген сәтте қолжетімділігіне және барлық құрылғылармен және бағдарламалармен үйлесімділігіне кепілдік бермейді.

9.2. Компания орналастырылған мәліметтердің өзектілігін сақтау үшін ақылға қонымды шаралар қабылдайды, алайда олардың кез келген уақыт сәтіндегі толықтығы мен дәлдігіне кепілдік бермейді.

9.3. Компания Сайтты пайдалану немесе пайдалану мүмкін болмауы салдарынан туындаған залалдар үшін, оның ішінде жіберіп алған пайда үшін, жауап бермейді, Қазақстан Республикасының заңнамасы бойынша жауапкершілікті болғызбауға болмайтын жағдайларды қоспағанда.

9.4. Осы бөлімде белгіленген шектеулер Компанияның жасалған тасымалдау, көлік экспедициясы және вагондарды оперирлеу шарттары бойынша міндеттемелеріне қолданылмайды — мұндай міндеттемелер тиісті шарттармен және Қазақстан Республикасының заңнамасымен реттеледі.

10. Дербес деректер

10.1. Дербес деректерді жинау, өңдеу және қорғау тәртібі Сайтта орналастырылған және осы Шарттардың ажырамас бөлігі болып табылатын Құпиялылық саясатымен айқындалады.

11. Қолданылатын құқық және дауларды шешу

11.1. Осы Шарттарға және Сайтты пайдалануға байланысты туындайтын қатынастарға Қазақстан Республикасының құқығы қолданылады.

11.2. Даулар келіссөздер жолымен шешіледі. Талап жазбаша нысанда жіберіледі және алынған күннен бастап он бес жұмыс күні ішінде қаралады.

11.3. Келісімге қол жеткізілмеген кезде дау Қазақстан Республикасының заңнамасына сәйкес Қазақстан Республикасының соттарында қаралуға жатады.

12. Қорытынды ережелер

12.1. Шарттардың жекелеген ережесінің жарамсыз деп танылуы қалған ережелердің жарамсыздығына әкеп соқпайды.

12.2. Сайттың жұмысына байланысты мәселелер бойынша info@keme.kz мекенжайына жүгініңіз.